ଏମିତି ବି ହୁଏ
ଏମିତି ବି ହୁଏ
ବେଳେ ବେଳେ ଏମିତି ବି ହୁଏ
ଅପେକ୍ଷା ର ଅଗଣା ରେ ଫୁଟିଯାଏ
କିଛି କବିତା ର ଫୁଲ
ଆନମନା ଅନୁଢା ଅନ୍ତରେ
ଅୟୁତ ସ୍ୱପ୍ନରେ ଗୁନ୍ଥି ପେନ୍ଥା ପେନ୍ଥା
ସଜାଇ ଦିଏ ମୋର ସେହି
ଡାଏରୀ ର ଚାରିକାନ୍ଥ ଭିତରେ ।
ଏମିତି ବି ହୁଏ ବେଳେ ବେଳେ
ବୃଥା ହୋଇଯାଏ ଶେଫାଳୀର
ଅତର ଭିଜା ଜହ୍ନ ରାତି
ଆଉ ଗୋଧୂଳି ର ସ୍ୱର୍ଣ୍ଣିମ ଆକାଶ
ସବୁ ଲାଗେ ଫିକା ଫିକା
କବିତା ଲେଖିବା ନିଶାରେ
ବ୍ୟର୍ଥ ହୁଏ ରାତ୍ରି ଉଜାଗର
ମନରେ ପଶଇ ଅଜଣା ଛନକା ।
କିନ୍ତୁ କିଛି ନଥାଇବି
ବେଳେ ବେଳେ ନୀଳ ଆକାଶ ବୁକୁରେ
ଚାଲିଆସେ ଫର୍ଦ ଫର୍ଦ କବିତା ଫୁଆର
ପରସ୍ତ ପରସ୍ତ ଅତୀତର ସ୍ମୃତି
ମନଟାକୁ କ ରେ ଆନମନା
ଆଉ ମୋ ଲେଖନୀରୁ ଝରିଯାଏ
ଗୋଟିଏ ପରେ ଗୋଟିଏ କବିତା ଜୁଆର ।
ମୋ ଅନେଶ୍ୱଣ ର ଜାଲରେ
କେବେ ଶଦ୍ଦ ଧରାପଡେ
ପୁଣି କେବେ ଶଦ୍ଦକୁ ସଜାଇଲା ବେଳେ
ଅଣାୟତ ହୋଇ ମୋର ଭାବନା ଦଉଡେ
ଏମିତି ଛକା ପଞ୍ଜାର ଦଉଡ ଭିତରେ
ମୁଁ ମୋ କବିତା ପଛରେ ଦଉଡେ ।