ଏକାକୀତ୍ୱ
ଏକାକୀତ୍ୱ
ନଈ ଯେଉଁ ଜାଗା ରେ ସମୁଦ୍ର ସହିତ ମିଶିବ
ସେଇଠି ମୁଁ
ଅନେକ ସ୍ୱପ୍ନ ର ବୋଝ ତ ବୋଝେଇଚି
କେତେ କାଳୁ
ନୂଆ ଝିଅ ପରି ଜନ୍ମ ନେବକି
ମୋ ଭିତରୁ
ଆଶା ଓ ବିଶ୍ୱାସ ର ଆଶ୍ୱାସନା ଟିଏ
ଜୀବନ ର ଶେଷ ହୀନ ପଥ ରେ
ହଠାତ଼ ଯଦି ମିଳି ଯାଏ
ସ୍ୱୀକୃତି ର ସ୍ୱର
ତାକୁ ହିଁ ପାଥେୟ କରି
ଚାଲିବି କି ମୁଁ
ମନା ନାଇଁ
ବାଟୋଇ କୁ ଗଛ ଛାଇ
ପ୍ରେମିକା କୁ ପ୍ରେମ ଚିଠି
ଏକାକୀତ୍ୱ ଭିତରେ ବିତୁଚି ଆୟୂଷ
ଯଦି କେବେ ଦେଖା ହେଇ ଯାଏ
ଗୃହୀତ ର ସ୍ୱର ସହ
କ'ଣ କଥା ହେବି ତା'ସଂଗେ
କ'ଣ ମାଗିବି
କ'ଣ ଦେବି
ନିଃସ୍ୱତା ର ହୁତ଼ ହୁତ଼ ନିଆଁ ଓ
ଏକାକୀତ୍ୱ ର ହିମ ମଝିରେ ମୁଁ
ଦେଖିବ ଯଦି ଆସ
ମୋ ଖୋଲା ପାପୁଲି ର
ଅଣଚାଶ ଫୁଲ