ଏଇ ତ ସମ୍ପର୍କ
ଏଇ ତ ସମ୍ପର୍କ
କଳା ମେଘ ଦେଖି ନାଚଇ ମୟୂର
ପିଂଛକୁ ତାହାର ମେଲାଇ
ଏଇ ତ ସମ୍ପର୍କ ମେଘ,ମୟୂରର
ଦୁନିଆକୁ ଦିଏ ଦେଖାଇ ।।
କୁହୁ କୁହୁ ହୋଇ ବସନ୍ତ ଋତୁରେ
କୋଇଲି ଯେ ଗୀତ ଗାଏ
ଏଇ ତ ସମ୍ପର୍କ କୋଇଲି,ବସନ୍ତର
ଚତୁର୍ଦିଗ ଶୋଭାପାଏ ।।
ବରଷା ମାସେ ଧରଣୀ ପାଶେ
ବେଙ୍ଗ ଛାଡଇ ରଡି
ଏଇ ତ ସମ୍ପର୍କ ବରଷା,ବେଙ୍ଗର
ଆହକି ସୁନ୍ଦର ଯୋଡି ।।
ଶବରୀ ହାତରୁ ଖାଇଲେ କୋଳି
ପ୍ରଭୁ ଶ୍ରୀ ପୁରୁଷୋତ୍ତମ
ଏଇ ତ ସମ୍ପର୍କ ଶ୍ରୀରାମ,ଶବରୀର
ପୁରାଣେ ତାହାର ନାମ ।।
ଶିଶୁ କାନ୍ଦିଲେ ମା ଜାଣିପାରେ
ତାହାର ଅନ୍ତର କଥା
ଏଇ ତ ସମ୍ପର୍କ ମା,ଶିଶୁର
ଦୁନିଆ ଗାଏ ଗାଥା ।।