Library
Profile
ଦରଜି ଖୋଜ
ଦରଜି ଖୋଜ
1 min
123
ଛିଣ୍ଡିଯାଇଛି ଆଜି ସମ୍ପର୍କର ଖିଅ
ଅପବାଦର ଚାକୁ ଧାରରେ
ଖୋଜାପଡିଛି ସେଇ ଦରଜିକୁ
ଯିଏ ଯୋଡିବ ପୁଣି ସେଇ ଖିଅକୁ
ଚିରିଯାଇଛି ଆଜି ଅତ୍ମୀୟତା
ସ୍ୱାର୍ଥ ରୁପକ କଣ୍ଟାରେ
ଖୋଜାପଡିଛି ସେଇ ଦରଜିକୁ
ଯିଏ ସଜାଡ଼ିବ ପୁଣି ଆତ୍ମୀୟତାକୁ
ଫାଟିଯାଇଛି ଏଠି ବନ୍ଧନ
ଅତୀତର ରାଗ ରୁଷାରେ
ଖୋଜାପଡିଛି ସେଇ ଦରଜିକୁ
ଯିଏ ସିଲାଇବ ପୁଣି ବନ୍ଧନକୁ
ଭାଙ୍ଗପଡିଛି ଆଜି ସ୍ନେହ ଓ ମମତା
ଆଧୁନିକତାର ଚାପରେ
ଖୋଜାପଡିଛି ସେଇ ଦରଜିକୁ
ଯିଏ ସମତଳ କରିବ ସେଇ ଭାଙ୍ଗକୁ
