ଦେଉନି ଖଣ୍ଡିଉଡ଼ା
ଦେଉନି ଖଣ୍ଡିଉଡ଼ା
ଫୁଲ ଫୁଟିଛି ଗଛରେ
ତୃତୀୟ ନେତ୍ର କହୁଛି
ମିଛ ଆଜ୍ଞା
ଡାହା ମିଛ
ଫୁଲ ଫୁଟିଛି ଓଠରେ ।
ଫୁଲ ହସୁଛି ବଗିଚାରେ
ମରମ ଚିତ୍ର କହୁଛି
ମିଛ ଆଜ୍ଞା
ଧଳା ମିଛ
ପ୍ରେମ ହସୁଛି ଆଖିରେ ।
ଚଗଲା ପବନ ବହୁଛି
କାମନା ନେତ୍ର କହୁଛି
ମିଛ ଆଜ୍ଞା
ପୂରା ମିଛ
ଆଖି - ଓଠର ବାର୍ତ୍ତା ମଝିରେ।
କଥା ତ ଏତିକି
ପଢୁଛି କିଏ ଗହନ କଥା ?
ବୁଝୁଛି କିଏ ମରମ ବ୍ୟଥା ?
ମନ ତଳେ ନିତି ଅବ୍ୟକ୍ତ ବେଦନା
ଛାତି ତଳେ କେତେ ଅକୁହା କଳ୍ପନା
ଗୋଲାପି ଓଠ ଖୋଜୁ ଖୋଜୁ
ଆୟତ ଆଖି ଆଉଜୁ ଆଉଜୁ
ବସନ୍ତ ଶେଷେ ପତ୍ରଝଡ଼ା
ପ୍ରେମ ପକ୍ଷୀ ଦେଉନି ଖଣ୍ଡିଉଡ଼ା ।