ଚେଲା ଚିଲିମାନନ୍ଦ

ଚୁରୁକୀ ବାବାଙ୍କ ଚେଲା ଜାଣ ଜଣେ ଥିଲା

ଚିଲିମାନନ୍ଦ ସେ  ବାବାଙ୍କର ଭାରି ଗେହ୍ଲା ।

ବାବା ଯା କହନ୍ତି ସେହି ଶୁଣଇ ଆଦରେ

ବାବା ଆଜ୍ଞା  କେବେ ବି ସେ  ଅବଜ୍ଞା ନ କରେ ।

ଅତି ଖୁସି ଥିଲେ ବାବା ଜାଣ ତାହା ଠାରେ

ଗେହ୍ଲ  ସ୍ନେହ ଶ୍ରଦ୍ଧା ପ୍ରେମ ଢାଳନ୍ତି ଆଦରେ ।

ଆପଣା ଚିଲିମଟାକୁ ତା' ହାତେ ଧରାଇ

 ଚିଲିମା ଚିଲିମା ବୋଲି  ତାହାକୁ ଡାକନ୍ତି ।

ସେ ଚେଲା ଚିଲିମାନନ୍ଦ ନାମେ ସୁପ୍ରସିଦ୍ଧ

 ସାଧୁବାବା ସାଥେ ମାରେ  ଗଞ୍ଜାଇ ଓ

Advertisement

ମଦ ।

ଭାରି ଚାଲାକ ପିଲା ସେ ଥିଲା ଜଣା ଶୁଣା

ଅତି ନୀରିହ  ମାଛିକୁ ମ ' କେବେ କହେନା ।

ଚିକିତ୍ସା କରନ୍ତି ବାବା ଯେଉଁଠି  ଯେଉଁଠି

ଡାକତର ପରି ସିଏ ବାବାଙ୍କର ସାଥୀ ।

ହୋଇ  ରୋଗ ବାଗ ଉଣ୍ଡି  କରାନ୍ତି ଆରୋଗ୍ୟ

ବାବାଙ୍କ ମନ୍ତୁରା ପାଣି  ଔଷଧ ତାବିଜ ।

ଅତି ଶୀଘ୍ର କରି ଦିଏ ରୋଗ ଉପଶମ

ବାବା ଚିକିତ୍ସାରେ ରୋଗୀ ଲଭନ୍ତି ଆରାମ ।

ହସି ହସି ରୋଗୀଙ୍କୁ ସେ କରି ଥାନ୍ତି ଖୁସି

ଚିଲିମା କାନରେ ଥାଏ ଚିଲିମଟି ଖୋସି ।