ଚାଲ ଚରିତ୍ର ବଦଳେଇ ଦେଖିବା

ଚାଲ ଏମିତି ଏକ ଜୀବନ୍ତ, 

ଅଭିନୟ କରିବା 

ପରଦା ପଛର କାହାଣୀ, 

ମଞ୍ଚସ୍ଥ କରିବା l

ତୁମେ ମୁଖ୍ୟ ନାୟିକା ପରି ଜଳିବ  

ମୁଁ ନାୟକ ସାଜିବି ତୁମ ପରି l 

ଏଥର ମୋ ଜିମାରେ ଥିବ  

ତୁମ ତୀକ୍ଷ୍ଣ ସଂଳାପର ଧାଡି

ବରଦାସ୍ତ କରିବ ତୁମେ ଠିକ୍ ମୋ ଭଳି l

ମୁଁ ସାଜି ଥିବି ମଧୁରାତି ପରଦେଶର 

ତୁମେ ବସିଥିବ ଫୁଲ ଶେଯ ସଜାଡି l

ମୁଁ ଯାଯାବର ମଧୁକର ସାଜିବି 

ତୁମେ ଯିବ ମଉଳି ଝୁରି ଝୁରି l

ମୁଁ ସାଜିବି ଦାମିକା ତାରକା

ତୁମେ ଧାଡି ବାନ୍ଧିଥିବ ଦର୍ଶକ ପରି l

ଚାଲ ବାସ୍ତବତା ଅନୁଭବ କରିବା  

କିଛି ସମୟ ପାଇଁ ଆମେ ଚରିତ୍ର ବଦଳେଇ ଦେଖିବା l