Library
Profile
ସ୍ମୃତି
ସ୍ମୃତି
1 min
351
ସ୍ମୃତି କେବେ ଧାରା ଶ୍ରାବଣ ରେ ଜଳାଏ ବିରହେ ଛାତି
ସ୍ମୃତି କେବେ ଝାଞ୍ଜି ଖରାବେଳେ ଦିଏ ମଳୟର ପ୍ରୀତି ll
ସ୍ମୃତି କେବେ ଅଧ ରାତିରେ ସ୍ବପ୍ନ ସାଙ୍ଗେ ମିଳାମିଶା
ସ୍ମୃତି କେବେ ଅଜଣା ଅଚିହ୍ନା ଆଶା ll
ସ୍ମୃତି କେବେ ପିଲା ଦିନ ଧୂଳି ଖେଳ
ସ୍ମୃତି କେବେ ନିଃସଙ୍ଗର କୋଳାହଳ ll
ସ୍ମୃତି କେବେ ନଈ କୂଳେ ବାଲିଘର
ସ୍ମୃତି କେବେ ବତୀଘର ଅନ୍ଧକାର ll
ସ୍ମୃତି କେବେ କଳା ସିଲଟର ଛକି ଶୂନ
ସ୍ମୃତି କେବେ କିଶୋର ଅବୁଝା ମନ ll
ସ୍ମୃତି କେବେ ସାଇତା ପୁରୁଣା ଚିଠି
ସ୍ମୃତି କେବେ ପରଦେଶୀ ଦୂର ସାଥି ll
ସ୍ମୃତି କେବେ ନୂଆ ନୂଆ ସଜ ବାଜ
ସ୍ମୃତି କେବେ କୁଆଁରୀ ଓଠର ଲାଜ ll
ସ୍ମୃତି କେବେ ଅଶାନ୍ତ ସାଗର ଢେଉ
ସ୍ମୃତି କେବେ ଦୁଃଖ ସୁଖ ମିଶା ମହୁ ll
ସ୍ମୃତି କେବେ ଜେଜେ ବାପା ଆଶାବାଡ଼ି
ସ୍ମୃତି କେବେ ବୋଉର ପୁରୁଣା ଶାଢ଼ୀ ll
ସ୍ମୃତି କେବେ ବାପାଙ୍କର ନାଲି ଆଖି
ସ୍ମୃତି କେବେ ଅଝଟ ଅବୁଝା ପକ୍ଷୀ ll
ସ୍ମୃତି କେବେ ଶୁଖିଲା ଗୋଲାପ କଢି
ସ୍ମୃତି କେବେ ଅଲେଖା କବିତା ଧାଡି ll
