ବଉଳ ଲୋ ଏବେ ଦାୟିତ୍ୱ ବଢିଲା ତୋର
ବଉଳ ଲୋ ଏବେ ଦାୟିତ୍ୱ ବଢିଲା ତୋର
ଘରକୁ ଆସିଲା ନୂଆ କୁଣିଆଲୋ
ନଲାଗୁ ନଜର କାର
ଉଛୁଳୁଛି ଘର, ବଉଳଲୋ ମୋର
ଦାୟିତ୍ୱ ବଢିଲା ତୋର ।
କଅଁଳ କଳିର ପାଟି ପୋଛିବୁନି
ନାହିଁକୁ ଶେକିବା ମନା
ନପଡିବାଯାଏ ନାହିଟି ଧନର
ଗାଧୋଇ ଦେବୁନି ଜମା
ଯତନେ ଘୋଡେ଼ଇ ଉଷୁମ ରଖିବୁ
ହେମାଳ ଛୁଆକୁ ଡର
ଦାୟିତ୍ୱ ବଢିଲା ତୋର...
ଦେହତାତି ଯଦି ଜର ଆସେ ଅବା
ହଳଦିଆ ଦିଶେ ଦେହ
ମାଆ କ୍ଷୀର ଛୁଆ ନପାରଇ ଶୋଷି
କାନ୍ଦୁଥାଏ ଅହରହ
ଉଛୁର ନକରି ଛୁଆକୁ ନେଇଲୋ
ଦେଖାଇବୁ ଡାକତର
ଦାୟିତ୍ୱ ବଢିଲା ତୋର....।
ଛୁଆକୁତ ଦେବୁ ନୀୟମିତ ଟୀକା
ଟୀକାପାଳିଦିନ ନେଇ
ଛଅମାସଯାଏ ଖିଲି ମାଆ କ୍ଷୀର
ପାଣିଟୋପା ଦେବୁନାହିଁ
ଡଉଲ ଡାଉଲ ହୁଏ ପରା ଛୁଆ
ନେଲେଟି ଯତନ ତାର
ଦାୟିତ୍ୱ ବଢିଲା ତୋର....।