ବର୍ଷା

ଶୁଣ ! ଆଜି ସେ ଋଷିଛି

ଟିକେ ବର୍ଷି ଯା',ତାକୁ ବୁଝେଇ ଦେଇ ଯା' ।

ନ ହେଲେ, ମୁଁ ପବନକୁ ଶିଖେଇ ଦେବି

ତତେ କିଡନାପ କରି

ପ୍ରେମର ମଜା ଚଖେଇ ଦେବି ।

ଆକାଶରୁ ଜହ୍ନ ଚୋରେଇ ନେ

ତାରାକୁ ତୋ ଷ୍ଟୋଲରେ ବାନ୍ଧି

ତାକୁ ଧରେଇ ଦେ', ପାରୁଛୁ ଯଦି ଟିକେ ବୁଝେଇ ଦେ' ।

ପାହାଡକୁ କହ ଅପେକ୍ଷା କରୁ

ମୋ ପ୍ରିୟା ପାଖେ ଟିକେ ଅଟକି ଯା ।

ତା' ଆଖିରୁ ଲୁହ ପୋଛି ଦେ'

ନଚେତ ତତେ ବି ବର୍ଷିବା ମନା ।

ତୋ ଆଖିରୁ କଳା ଦେଇ

ତା' ଆଖିରେ କଜଳ ଭରି ଦେ',

ଗୋଟେ ତାରା ନେଇ, ତା ମଥାରେ ବିନ୍ଦିଟେ ଦେ' ।

ହଁ ଶୁଣ !

ତାକୁ ସୁନ୍ଦରୀ କରି ସଜେଇ ଦେ'

ନଚେତ ଇନ୍ଦ୍ରଧନୁର ରଙ୍ଗ ପୋଛି ଦେବି

ତୁ ବି ଅସୁନ୍ଦରୀ ଦିଶିବୁ

ଏ କଥା ବି ଜାଣି ଥା' ।