ପ୍ରିୟ ଭାରତବର୍ଷ

ବିସ୍ତାରିତ ହୃଦୟ

ବିଛୁରିଯାଉଛି ସ୍ବପ୍ନ ସମ୍ଭାବନା ହର୍ଷଉଲ୍ଲାସ,

ଶାନ୍ତିର କପୋତ ଗୁଣୁଗୁଣାଉଛି

   ଗୋଟାଏ ଗୀତ

ମୋ ପ୍ରିୟ ଭାରତବର୍ଷ ।

କଳ କଳ ନିନ୍ନାଦିତ ଗଙ୍ଗା ଗୋଦାବରୀ

ସିନ୍ଧୁ ବ୍ରହ୍ମପୁତ୍ର କୃଷ୍ଣା କାବେରୀ ,

ସତେ ଛାତି ଚିରି ଝରୁଛି ଅମୃତ

ସେ ମୋର ଅତି ପରିଚିତ ,

ସେ ହିଁ ମୋର ଏକମାତ୍ର ଉଦ୍ଦେଶ୍ୟ

ମୋ ପ୍ରିୟ ଭାରତବର୍ଷ ।

ପାରୁଛ ତ ଲେପିଦିଅ ସାରା ଦେହମନ

ମହଣ ମହଣ ଅଗୁର ଚନ୍ଦନ,

ଗାଇଚାଲ ସମ୍ପ୍ରତି 

ଶାନ୍ତି ମୈତ୍ରୀ ପ୍ରେମ ପ୍ରୀତି,

ବଞ୍ଚିଥାଉ ଅହିଂସା ଯେ ମୂଳମନ୍ତ୍ର

ଶତ ଶତ ଦିନ ମାସ ବର୍ଷ,

କାଳେ କାଳେ ଶାନ୍ତ ଶୀତଳ

ମୋ ପ୍ରିୟ ଭାରତବର୍ଷ ।