ବୋଉ

ଏକ ସ୍ବର୍ଗୀୟ ଆତ୍ମତୃପ୍ତିର ଅନ୍ୟନାମ ବୋଉ

ଏକ ଅବୁଝା ସମିକରଣର ଉତ୍ତର ବୋଉ।

ଓଠରେ ରକ୍ତଗୋଲାପର ସୌନ୍ଦର୍ଯ୍ୟ,

ଆଖିରେ ଆଖିଏ ସ୍ନେହଁର ଭାଷା,

ଆଉ ଏକ ଲୁହ-କୋହଭରା ଜୀବନର ଦୃଷ୍ଟାନ୍ତ ବୋଉ।

ଏକ ଅମ୍ଳାନ ପ୍ରେମର ବାହକ ବୋଉ

ହାରିହାରି ଜିତିବା ଶିଖାଏ ବୋଉ।

ଅସୀମ ବେଦନାରେ ଯୁଡୁବୁଡ଼ୁ ଦେହକୁ

ଚିରା କାନିରେ ଲୁଚାଇଦିଏ,

ଆଉ, ପ୍ରେମ ଓ ପ୍ରେରଣାର ପଣତରେ ଢାଙ୍କିଦିଏ ବୋଉ।

ଏକ ପ୍ରେରଣାଦାୟୀ ଗପଟିଏ ବୋଉ

ଏକ କରୁଣାଭରା ହାତଟିଏ ବୋଉ।

ଜଳିଜଳି ସରିଯାଏ,

ବହିବହି ଶୁଖିଯାଏ,

ସ୍ବପ୍ନ ଆଉ ବାସ୍ତବତାର ଏରୁଣ୍ଡି ବୋଉ.......