ସ୍ମୃତି....

-ପ୍ରବୀଣ କୁମାର କବି

ସମ୍ପାଦକ, “ବଣମଲ୍ଲି"

ସ୍ମୃତି, ଏକ ଅଙ୍କାବଙ୍କା ନଇ

ଏକ ମଧୁଋତୁ

ଉଦାସୀ ଆଖିର,

ସ୍ମୃତି, ଏକ ଧୂଆଁଭର୍ତି ସୁନୀଳ ଆକାଶ

ଏକ କ୍ଲାନ୍ତ ସମୟ

ଗୋଧୂଳି ସଞ୍ଜର ।୧।

ସ୍ମୃତି, ଏକ ଦିନଲିପି ପୃଷ୍ଠା,

ପବନର ସଂଘାତରେ

ସଂଘର୍ଷମୟ, କମ୍ପମାନ

ଆଲୁଅରେ ଲେଖା।

ସ୍ମୃତି, ଏକ ଜହ୍ନର ଦିପାଳୀ,

ହାହାକାର ହୃଦୟକୁ

ଦିଶାହରା ଜୀବନକୁ

ଖିନ୍ବିନ୍ କରି

ଦେଉଥାଏ ଜାଳି ।୨।

ସ୍ମୃତି, ଏକ ଅଦେଖା ଯନ୍ତ୍ରଣା

ହୃଦୟର ପାନ୍ଥଶାଳେ,

ଲେଖିହୁଏ ଲିଭେଇହୁଏନି

ମହୁଲି ନିଶାରେ,

ସ୍ମୃତି, ଏକ ବିଭକ୍ତ ସମୟ

ସପନର ଅଧାଦେଖା ଛାଇ,

ଛୁଇଁଯାଏ ଅଛୁଆଁ ସ୍ପର୍ଶରେ

ପାହାନ୍ତି ପ୍ରହରେ...।୩।

ଅଧ୍ୟାପକ, ଉଦ୍ଭିଦବିଜ୍ଞାନ ବିଭାଗ

ପତିତପାବନ ମହାବିଦ୍ୟାଳୟ

ସାଇଁକୁଳ, କେନ୍ଦୁଝର

ଫୋନ ନଂ-୭୬୦୯୦୭୭୦୨୩