ବିବାହ ବାର୍ଷିକୀ
ବିବାହ ବାର୍ଷିକୀ
ବାଇଡଙ୍କଙ୍କ ମନ ଆଜି ଭାରି ଛନଛନ
ବିଛୁଆତି ସକାଳୁ ହୋଉଥାଆନ୍ତି ଖାଲି କନକନ
ଦୁହିଁଙ୍କର ଆଜି ବିବାହ ବାର୍ଷିକୀ ଚବିଶତମ
ଭାବିଲେ ଅତି ଧୂମଧାମରେ କରିବେ ପାଳନ
ବାହାରିଲେ ପହିଲେ କରିବାକୁ ଦିଅଁ ଦର୍ଶନ
ଶପଥ ନେଲେ ଆଜି କରିବେନି କିଛି କଳିଗୋଳ
ବିଛୁଆତି କହିଲେ ବିଷ୍ଣୁ ଇଷ୍ଟ ମୋହର
ପ୍ରଥମେ ନେବା ତାଙ୍କର ଆଶିର୍ବାଦ
ବାଇଡଙ୍କ କହିଲେ ନା ଆଗ ଶିବଶଙ୍କର
ଆରମ୍ଭ ହେଲା ଗୋଳର ପ୍ରଥମ ପରବ
ଆଗ କରିବେ କାହା ଦରଶନ ??
ଶପଥ କଥା ଭାବି ଦୁହେଁ ହୋଇଲେ ନୀରବ
ବୁଝାସୁଝା ହୋଇ ବାହାରିଲେ ଦେବୀ ମନ୍ଦିର
ବିଛୁଆତି କହିଦେଲେ ମାଡିବେନି ଆଜି ରନ୍ଧାଘର
ଏକାଥରେ ଫେରିବେ ସାରି ରାତ୍ରି ଭୋଜନ
ବାଇଡଙ୍କ ମନେମନେ କଲେ ଦାନ୍ତ କଡମଡ
କରିଦେବ ଖାଲି ସାରା ପକେଟ ମୋହର
ଦାନ୍ତ ନେଫେଡି କହିଲେ ଶିରୋଧାର୍ଯ ଆଦେଶ ତୁମ୍ଭର
ଘାଇଁଘାଇଁ କରି ବୁଲେଇବି ତୁମକୁ ସାରା ସହର
ଶହେ ଶହେ ରେ ଉଡେଇବି ସ୍କୁଟର ମୋହର
କଲେଜଟୋକା ସାଜି ଭାବିବି ତୁମେ ଷୋହଳ କି ସତର
ବ୍ରେକ କଷିଲେ ଦେଖି ମାଗଣା ଭୋଜନାଳୟ
ଭାବିଲେ ଶୁଭଦିନେ ଏହା କୃପା ଇଶ୍ୱର ଙ୍କର
ପେଟେ ଟାଙ୍କି ଦେଇଗଲେ ଚିକେନ ମଟନ
ମାଲିକ ଆସି କହିଲା ଦିଅ ଟଙ୍କା ପାଞ୍ଚଶହ
ବାଇଡଙ୍କ ବିଛୁଆତି ହେଲେ ରାଗରେ ତମତମ
ବାହାରେ ଲେଖିଛ କାହିଁକି ମଗଣା ଭୋଜନାଳୟ ???
ମାଗୁନି ମୁଁ ପଇସା ତୁମ ଖାଇବାର
ହେଲେ ଟଙ୍କା ତୁମକୁ ଦେବାକୁ ପଡ଼ିବ
ଦୁଇଜଣ ଗରିବ ଭୋକିଲା ଙ୍କ ଭୋଜନର
ୟେ ସଂସ୍ଥା ଯୋଗାଏ ଗରିଵଙ୍କୁ ଆହାର
ଆପଣ ଦୁହେଁ ତ ଲାଗୁଛନ୍ତି ଥିଲା ବାଲା ଘରର
ଗରିବ ବି ଏଠି ଭରଣା ଭରେ କରି ଶ୍ରମଦାନ
ଲାଜରେ ଦୁହେଁ ହେଲେ ଜଡସଡ
ବଢାଇ ଦେଲେ କାଢି ଟଙ୍କା ହଜାର
ଆପଣଙ୍କ ମହତ କାମ ପାଇଁ ଏହା ଛୋଟ ଉପହାର