ଭୁଲିଯିବାଟା ତ ଭଲ

ଭଲ ପାଇବାଟା ଭୁଲ୍ ଯଦି ହୁଏ

ଭୁଲିଯିବାଟା ତ ଭଲ

ଭୁଲିବା ଆଗରୁ ଭୁଲେଇ କାହିଁକି

କଲ ଏତେ କଲବଲ !

 

କଥା ଦେଇଥିଲ କଥା ରଖିବାକୁ

କଥାରେ ରହିଲା କଥା

କଥାଟିଏ ପାଇଁ ଚିରିଦେଲ ମୋର

ଦେଇଥିବା ସବୁ କଥା (ଚିଠି)

ଚିରିବା ଆଗରୁ ଚିରିଦେଲନାହିଁ

ପ୍ରିତିର ଅଲୁରା ଜାଲ

କଲ କିଆଁ କଲବଲ !

ମନାକରିଗଲ ମନେରଖିବାକୁ

ମାନି ମୁଁ ପାରୁନି ମନା

ମାନିଥାନ୍ତି ଯଦି ଜାଣିଥାନ୍ତି ତୁମେ

ହେବବୋଲି ଆନମନା

ମନ କିଣିଥିବା ମନକୁ କେମିତି

ମନରୁ ପାଶୋରି ଦେଲ?

ପ୍ରେମ ପରିମାପ ପରାସ(ଦୁଃଖ) ଅମାପ

ପରତେ ହେଉନି ମୋର

ପ୍ରିତି ପରିଭାଷା ପ୍ରତାରଣା ତୁମ

ପ୍ରତିଶ୍ରୁତି ପାଣିଗାର

ପରକରି ତୁମେ ପରଦେଶୀ ସାଥେ

ପରଦେଶେ ଚାଲିଗଲ

କରି ମୋତେ କଲବଲ ।