ବଡ଼

ବଡ଼ ଜୀବନେ ହେବକି ତୁମେ ରଖିଛ ଇଚ୍ଛା ଶକ୍ତି

ବଡ଼ ଯଦିରେ ହୋଇବା ଇଚ୍ଛା ଗୁରୁଜନରେ ଭକ୍ତି l

ପୋଖରୀ ଦେଖି,ହ୍ରଦ ପରଖ ଲାଗିବ କେତେ ବଡ଼

ନଦୀଟି ବଡ଼ ହ୍ରଦର ଠାରୁ ତା'ଠୁ ସମୁଦ୍ର ବଡ଼ l

ପାହାଡ଼ ସାନ ପର୍ବତ ବଡ଼ ତା'ତରୁ ନଭ ବଡ଼

ତୃଣଠୁ ବଡ଼ ଦ୍ରୁମ ଜlଣରେ ଘରୁ ବଜାର ଭିଡ଼ l

ନହୁଏ ପିଲେ କେହି ଜୀବନେ ଢମ ଦେଖlଇ ବଡ଼

ଜୀବନେ ବଡ଼ ହେବାକୁ ବlବୁ କରିବା ଭଲ କାମ l

ଦେଶରୁ ବଡ଼ ମହାଦେଶଯେ ମହାଦେଶରୁ ପୃଥ୍ଵୀ

ନିଜଠୁ ବଡ଼ ସାଙ୍ଗ ଓ ମେଳ, ତହିଁରୁ ବଡ଼ ସାଥି ।

ଅସି ରୂ ବଡ଼ ଅଟଇ ମସୀ ଘୃଣାଠୁ ଅଟେ ପ୍ରେମ

ମାରିବା ଠାରୁ ତାରିବା ବଡ଼ ଆଳସ୍ୟ ଠାରୁ ଶ୍ରମ l

ଆମ୍ବବି ମିଠା, ଆଖୁବି ମିଠା ମହୁ ଆହୁରି ମିଠା

ମହୁଠୁ ମିଠା ଆମରି କଥା ବଶ ଅରାତି ଯଥା l

ରାଗ'ର ଠାରୁ ସହିବା ବଡ଼ ତାଠରୁ ବଡ଼ ଧୈର୍ଯ୍ୟ

ଧୈର୍ଯ୍ୟ ଠୁ ବଡ଼ ଅପେକ୍ଷା ପିଲେ ଅପେକ୍ଷା ଠାରୁ କାର୍ଯ୍ୟ l

କରିବା ବଡ଼ ମନେ ରଖିବା ଖାଲି କହିବା ଠାରୁ

ଧରିବା ବଡ଼ ମାରିବା ଠାରୁ ମିଛ ଠୁ ବଡ଼ ଭୀରୁ l

ବିନୟ ଭାବ ମହାନ ଅଟେ ଗରବ ଭାବ ସାନ

କ୍ଷମା ଯାହାର ଗୁଣ ପବିତ୍ର ପ୍ରତିଶୋଧ ଟି ହୀନ l

ଆପଣା ହିତ ପାସୋରିଦିଏ ଜଗତ ସୁଖ ପାଇଁ

ସତ କହୁଛି ବାଳକେ ଶୁଣ ତା'ଠୁ ବଡ଼ କେନାହିଁ l

ଦେହର ବଳୁ ଧନ ଟି ବଡ଼ ଧନ ବଳରୁ ମନ

ମନରେ ବଳ ଥିଲେ ବାବୁରେ ବିଜୟ ସବୁ ଦିନ l