ବାର୍ଦ୍ଧକ୍ୟ
ବାର୍ଦ୍ଧକ୍ୟ
ସମୟଟା ଭାରି ନିର୍ଦ୍ଦୟ
ଅନେକ ଅଭିଜ୍ଞତା , ଅନୁଭୂତି ସଂଗେ
ଗୁଡ଼ାଇ ଲୁଚାଇ ନେଇ ଆସେ
ବାର୍ଦ୍ଧକ୍ୟର ଉପହାର ,
ଦେଖୁଦେଖୁ ଯୌବନର ହସକୁ
ଢାଙ୍କି ପକାଏ ଝୁଲନ୍ତା ନିଃସ୍ପ୍ରଭ
ଚମ ତଳେ , ଆଉ ସମ୍ପର୍କଗୁଡାକୁ
ଛାତି ତଳେ ।
ମୁକୁଟ ବିହୀନ ସମ୍ରାଟ ସାଜି
ବାର୍ଦ୍ଧକ୍ୟ ମାଡିଚାଲେ ଦେହସାରା ।
ତା ଚାଲି ଆଉ କାହା
ପାଦ ସହ ପାଦ ମିଶାଇପାରେନା ,
କାହା ମନରେ ସ୍ପୁହା ବି ନଥାଏ
ପାଦ ମିଶାଇବାକୁ ।
ଜୀବନ ରାସ୍ତାରେ
ବାର୍ଦ୍ଧକ୍ୟ ଚାଲିପାଇଁ
କୌଣସି ପାନ୍ଥଶାଳା ନଥାଏ,
କେହି ସାଙ୍ଗ ବାଟୋଇ ନଥାଏ ,
ଥାଏ ଖାଲି ଅନେକ ଅନୁଭୂତି ,
ସ୍ମୃତି ସବୁ ବିଗତ ଜୀବନର ,
ସମ୍ପର୍କର ସତ୍ୟତା ,
ଆଉ ନିଷ୍ପ୍ରଭ କାନର
ଭାଗବତାରୁ ପଦେ
ଶେଷ ଶୁଣାଣି ।