ବାପା

       

କି ଅବା ଲେଖିବି   ତୁମ ପାଇଁ ବାପା

    ସର୍ବ ଗୁଣାବଳୀ ତୁମେ

ନାମ ଯେ ତୁମର   ବାଣୀ ବେଦରଗାର 

    ଜାଣନ୍ତି ପୂର୍ଣ୍ଣଚନ୍ଦ୍ର ନାମେ ।

ଗୀତାପରି ତୁମ    ଉଚ୍ଚ ଚେତନାରେ

    ଦର୍ଶାଅ ଜୀବନପଥ 

ଅନେକ ଦୁଃଖ କଷ୍ଟ ରେ ରହି ମଧ୍ଯ 

    ଚଲାଅ ସଂସାର ରଥ ।

ରାଗ,ରୁଷା,ମାନ,ଅଭିମାନ ଥାଇ

   ସଭିଙ୍କୁ କର ନିଜର

ବିପଦ ବେଳରେ ସଦା ଠିଆ ହୁଅ 

   ଭାବନାହିଁ କେବେ ପର ।

କଥାଟି ତୁମର  ଟିକିଏ କଟୁ

   ହସରେ ମୁକୁତା ଝରେ

ବାପା ନାଁରେ ସାଜିଲ ନାଉରୀ

  ଖୁସି ଖେଳେ ଆମ ପରିବାରେ ।

ତୁମ ପରି ବାପା ମିଳୁଥାଉ ଆମକୁ

   ଦୁଃଖ ନ ଆସୁ ପାସେ

ଦୁଃଖୀର ଦୁଃଖରେ  ଦୁଃଖୀ ହୋଇ ତୁମେ

   ହସୁଥାଅ ଆମ ପାଖେ ।