ଲାଇବ୍ରେରୀ
ପ୍ରୋଫାଇଲ୍
ବାଳୁଙ୍ଗା ଶୀତ
ବାଳୁଙ୍ଗା ଶୀତ
1 min
193
ମାଘ ପ୍ରତ୍ୟୁଷରେ
ମୋ ପ୍ରିୟା ଯେବେ ସ୍ନାନ ସାରି ଫେରୁଥାଏ
କେଉଁଠୁ କେଜାଣି ବାଳୁଙ୍ଗା ଶୀତ ଆସି
ତା ଗୋରା ଶରୀରର ପ୍ରତି ଅଙ୍ଗକୁ ଛୁଇଁ ଯାଏ।
ପ୍ରେୟସୀ ମୋ ଅସ୍ଥିର ହୋଇ
ଥରି ଥରି ତର ତର ହୋଇ
ନଈ ପଠାରୁ ଆସୁଥାଏ
ମୁଁ ଯେବେ ଦେଖା ହୁଏ ତା ସହ
ତା ଓଠ ନୀରବ ଥିଲେ ମଧ୍ୟ
ଶରୀର ଶୀତର ଦୁଷ୍ଟାମୀ ବଖାଣୁ ଥାଏ ।
ଇଚ୍ଛା ହୁଏ ଆଞ୍ଜୁଳାଏ ଖରା ଆଣି
ତା ଶରୀରରେ ବିଞ୍ଚି ଦେବାକୁ
ଇଚ୍ଛା ହୁଏ ତାକୁ ଆଲିଙ୍ଗନ କରି
ତା ଶରୀରକୁ ଉଷ୍ଣ କରିବାକୁ।
