Library
Profile
ବାହାନା ମାତର
ବାହାନା ମାତର
1 min
406
ହୋଲି ର ରଙ୍ଗ
ସାଙ୍ଗ ସୁଆଙ୍ଗ
ଖାଲି ବାହାନା ମାତର
ତୋତେ ଛୁଇଁବାକୁ
ଅବିର ଲେସିବାକୁ
ଫଗୁ ଫଗୁଣ ହାତର ।
ପ୍ରେମର ପିଚକାରୀ
ରଙ୍ଗ ରୋଷଣୀ ଧରି
ଖାଲି ବାହାନା ମାତର
ତୋତେ କୋଳେଇବାକୁ
ବକ୍ଷରେ ଧରି ଜାକିବାକୁ
କୀର୍ତ୍ତନ ନର୍ତ୍ତନ ଡିଜେର ।
ଫଟା କପଡ଼ା ପିନ୍ଧି
କଳା ନାଲି ନେଳି ବାନ୍ଧି
କେବଳ ବାହାନା ମାତର
ତୋତେ ଦେଖିବାକୁ
ଗାଲ ଦୁଇ ଛୁଇଁବାକୁ
ନାନାଦି ଫନ୍ଦି ଫିକର ।
ପିଠା ପଣା ପାନୀୟ
ଲସି ଥଣ୍ଡା ଜାତୀୟ
ସବୁ ବାହାନା ମାତର
ତୋତେ ଧରିବାକୁ
ମୁରୁକି ରଙ୍ଗିବାକୁ
ରଙ୍ଗ ଭଙ୍ଗ ଭାଙ୍ଗ ଅବିର ।
ପ୍ରେମର ପରଶ
ପ୍ରୀତିର ସନ୍ଦେସ
ସବୁ ବାହାନା ମାତର
ତୋତେ ଭିଡ଼ରେ
ପରିବାର ଆଗରେ
ସମାଜ ସ୍ଵୀକୃତି ମୋହର ।।
