ଅମୃତ ମହୋତ୍ସବ
ଅମୃତ ମହୋତ୍ସବ
ଘରେଘରେ ଆଜି ଉଡୁଛି ତ୍ରିରଙ୍ଗା
ଗାଇ ବିଜୟର ଗାଥା,
ଅମୃତ ବେଳାର ଏଇ ମହୋତ୍ସବେ
ଉଚ୍ଚ କରି ତା'ର ମଥା ।
କୋଣ ଅନୁକୋଣେ ଗୁଞ୍ଜରିତ ହୁଏ
ମହନୀୟତା'ର ବାର୍ତ୍ତା,
ଜ୍ଞାନର ବୈଭବ ବିଶ୍ବଦରବାରେ
ଭାରତର ମହାନତା ।
ବିଶ୍ବଗୁରୁ ରେ ଅଭିମନ୍ତ୍ରିତ
ଏଇ ମୋ' ଭାରତ ମାତା,
ସହିଛି ଅନେକ ଅନ୍ଯାୟ ଅନୀତି
ହୋଇଛି ଜଗତଜିତା ।
ଛଅସ୍ତରୀ ତମ ସ୍ବରାଜ୍ଯ ପାଳନେ
ଆଶା ଆକାଙ୍କ୍ଷା ବହି,
ସଙ୍କଳ୍ପ ଏଠି ପ୍ରତିଟି ସ୍ପନ୍ଦନେ
ବିଶ୍ୱାସ ଭରସା ନେଇ ।
ଜାଗ୍ରତ ଏଠି କୋଟି ପରାଣ
ଏକତା ସୂତ୍ରେ ବନ୍ଧା,
ବିବିଧତା ମଧ୍ଯେ ଏକତାର ସୂତ୍ରେ
ମଧୁର ସମ୍ପର୍କେ ଛନ୍ଦା ।
ମୋଗଲ ଇଶାଇ ବୁଦ୍ଧ ଜୈନ ପାର୍ସୀ
ବିବିଧ ସମ୍ପ୍ରଦାୟ,
ଉଦବୁଦ୍ଧ ସର୍ବେ ସନାତନ ଭୂମେ
ଗାଇ ଭାରତର ଜୟ ।
ଆସ ଆସ ଭାଇ ନେବାହେ ସଙ୍କଳ୍ପ
ଗଢିବା ନବ ଭାରତ,
ବିଶ୍ବ ବୁକୁରେ ସ୍ବର୍ଣ୍ଣ ଅକ୍ଷରେ
ଜାତି ହେଉ ଲିପିବଦ୍ଧ ।
ଶୁଭ ଲଗନର ଅମୃତ ବେଳାରେ
ଅମୃତ ମହୋତ୍ସବ,
ଘରେଘରେ ଦେଖ ଉଡୁଛି ତ୍ରିରଙ୍ଗା
ଗାଇ ଅତୀତ ଗରବ ।।