Library
Profile
ଅଦିନ ମେଘ
ଅଦିନ ମେଘ
ସକାଳୁ ସକାଳୁ ସୁକୁଟି ବୁଢୀ
କାନ୍ଦିକାନ୍ଦି ଛୋବ ଯାଉଛି ଛାଡି
ବୁଝିବାକୁ ଲୋକ ଧାଡ଼ିକି ଧାଡି
ସତେ ଜନସମୁଦର ତା ଘରବାଡ଼ି |
ଆହାଃ ଆହାଃ ବୋଲି ଲୋକ କୁହନ୍ତି
ଦେଖିସାରି ନିଜ ପଥେ ଯାଆନ୍ତି
ଅଦିନ ମେଘଟି କଣ କଲା
ବିଚାରି ବୁଢ଼ୀର ଘର ଭାଙ୍ଗିଲା |
କାଳବୈଶାଖୀର ତାଣ୍ଡବ ଲୀଳା
ବୁଢ଼ୀର ଘରକୁ ନାରଖାର କଲା
ଭାଙ୍ଗି ପଡିଛି ତା ଛପର ଘର
ମୁଣ୍ଡଗୁଞ୍ଜିବାକୁ ନାହିଁ ସାହାରା ତାର |
ସ୍ୱାମୀ ଛୁଆ ପିଲା କେହିବି ନାହିଁ
ବଡ ହତଭାଗୀ ଜୀବନ ସହି
ବିଧାତା ଟା ବଡ ନିର୍ଦୟ ସତେ
ଜୀବନେ ଲେଖିଛି ଯାତନା ଯେତେ |
ସରକାର ପାଖେ ତା ନାଁ ନାହିଁ
ଇନ୍ଦିରା ଆବାସ ଘର ବି ନାହି
ଁ
ଅଦିନ ମେଘରେ ଭାଙ୍ଗିଲେ ଘର
ସରକାର ପାଖେ ନାହିଁ ଉତ୍ତର |
ସରପଞ୍ଚ ଆସି ଦେଖିକି ଗଲେ
କିଛିଗୋଟେ ବାଟ ବାହାର କଲେ
ଆଜି ଠାରୁ ତୁହି ଶୋଇବୁ ଯାଇ
ସ୍କୁଲ ଘରେ ନିର୍ଭୟ ହୋଇ |
ଯେଝା ଚାଲିଗଲେ ଯେଝା ବାଟରେ
ସକାଳ ସୁରୁଜ କିରଣ ଢାଳେ
ଆଜିବି ଦାଣ୍ଡରେ ଭିଡ ପ୍ରଚୁର
ହେଲେ କାନ୍ଦଣା ଶୁଭୁଚି ଆଉ କାହାର |
ସୁକୁଟି ବୁଢ଼ୀର ଦେହଟି ଶୂନ
ନାଟକ ସାରିଛି ତାର ଜୀବନ
ଲୋକ କୁହା କୁହି କାନକୁ କାନ
କାଲି ରାତିର ବରଷା ନେଲା ଜୀବନ |
ସ୍କୁଲ ଘରର ଚାବି ଦେବାକୁ
ଭୁଲିଯାଇଥିଲେ ଶିକ୍ଷକ ସବୁ
ରାତି ସାରା ମେଘ ପବନ ଖାଇ
ସୁକୁଟି ବୁଢ଼ୀର ଜୀବନ ନାଇଁ |
