ଆମେ ସୂର୍ଯ୍ୟ

ଆମେ ସୂର୍ଯ୍ୟ

ଦେବୁରେ ଆଲୋକ

ହସି ହସି ଯାଇ

ଜଗତ କଲ୍ୟାଣ ପାଇଁ

ଆମେ ଚନ୍ଦ୍ର

ଦେବୁ ଶୀତଳତା

ଶାନ୍ତ ସ୍ନିଗ୍ଧ ହୋଇ

ମୁହଁରେ ହସ ଫୁଟାଇ

ଆମେ ତାରା

ଦୀପ୍ତି ପ୍ରକାଶିବୁ

ବିଶ୍ୱ ଦରବାରେ

ମହକି ସାରା ସଂସାରେ

ଆମେ ନଦୀ

ବହି ଚାଲିଥିବୁ

କୁଳୁକୁଳୁ ହୋଇ

ଏ ମାଟି ଗୌରବ ବୋହି

ଆମେ ଫୁଲ

ଫୁଟି ଚାଲିଥିବୁ

ସୁବାସକୁ ନେଇ

ସବୁଠି ଦେବୁ ଖେଳାଇ

ଆମେ ପକ୍ଷୀ

ଉଡିଚାଲିଥିବୁ

ନୀଳଆକାଶରେ

ଖୁସିରେ ଅତି ଖୁସିରେ

ଆମେ ଗୀତ

ଗାଇଚାଲିଥିବୁ

ଏ ମାଟିର ଗୀତ

ଜାଣିବ ସାରା ଜଗତ

ଆମେ ନୃତ୍ୟ

ନାଚିଚାଲିଥିବୁ

ଏ ମାଟିର କୋଳେ

ମାଟିର ମହକ ବଳେ

ଆମେ ତୂଳୀ

ଆଙ୍କିଚାଲିଥିବୁ

ଏ ମାଟିର ଛବି

କାହାର ଆଗେ ନ ଦବି

ଆମେ ମାଟି

ମାଟିରେ ମିଶିବୁ

ଏ ମାଟିର ସାଥେ

ଚାଲି ଜୀବନର ପଥେ