ଆମ ଗାଆଁର ସନ୍ଧ୍ୟା
ଆମ ଗାଆଁର ସନ୍ଧ୍ୟା
ହୋଇଲେ ସାୟାହ୍ନ ବୁଡ଼ନ୍ତି ତପନ
ପୁରି ଉଠେ ଦାଣ୍ଡ ଧୂଳି ,
ଧରିଣ ଗୋକୁଳ ଫେରନ୍ତି ଗୋପାଳ
କେତେ ଗୋରୁ ହୋଇ ମେଳି ।୧।
ଗୋଧୂଳିର ବାସ୍ନା ଦେଖି ଇନ୍ଦୁ ଜ୍ୟୋତ୍ସ୍ନା
ମନଟି ହୁଏ ପ୍ରସନ୍ନ ,
ବୃନ୍ଦାବତୀ ମୂଳେ ସଞ୍ଜବତୀ ଜାଳେ
ନବ ବଧୂ ପ୍ରତି ଦିନ ।୨।
ଗ୍ରାମ ମୁଣ୍ଡେ ନିତି ଓଡ଼ିଆ ସଂସ୍କୃତି
ଅଛି ଆଜି ଉଜ୍ଜୀବିତ ,
ଭାଗବତ ଗୀତ ଦେଇ ମନ ଚିତ୍ତ
ଗାଆନ୍ତି ନିତି ଭକତ । ୩।
ଦର୍ଶକ ବିସ୍ମୟ ଦେଖି ସ୍ଵର ଲୟ
କାର୍ତ୍ତିକ ମଉସା ଭଙ୍ଗୀ,
ବଜାଇ ଖଞ୍ଜଣି ମନ ନିଏ ଜିଣି
ସାକ୍ଷୀ ଭାଗବତ ଟୁଙ୍ଗି ।୪।
ଗାଆଁ ଦୃଶ୍ୟ ପଟ୍ଟ ଅତ୍ୟନ୍ତ ଉତ୍କୃଷ୍ଠ
ସେହି ସାୟାହ୍ନ ଦର୍ଶନ ,
କୋଉଠି ମିଳେନା ଅନ୍ୟତ୍ରରେ ଅନା
ଏହି ଭଳି ଦୃଶ୍ୟ ମାନ ।୫।