ଆମ ବିଦ୍ୟାଳୟ

ପାଠରେ ସୁନାମ ରଖିଛି

           ଆମର ଏ ବିଦ୍ୟାଳୟ,

ପ୍ରାକୃତିକ ଶୋଭା ଦିଶଇ

            ସବୁଠାରୁ କମନୀୟ l

ଦୁଇ ଜଣ ବଡକୁ ସାନ

            ଅଛନ୍ତି  ଶିକ୍ଷକ  ତ୍ରୟ,

ଗୁରୁମାଙ୍କ ପାଠ ପଢା

           ଅତ୍ୟନ୍ତ କୌତୁକମୟ l

ଘଣ୍ଟା ନାମେ ବିଖ୍ୟାତ ସେହି

           ବିଦ୍ୟାଳୟର ଯେ ନାମ,

ଶିକ୍ଷା କ୍ଷେତ୍ରରେ ରଖିଅଛି

           ସବୁ ଦେଶରେ ସୁନାମ l

ଶ୍ରୀଯୁକ୍ତ ଘଣ୍ଟା କଣ୍ଟା ଅଟେ

            ହେଡ଼ ସାରଙ୍କର ନାମ,

ଅଳସୁଆ ଶିକ୍ଷକ ଭବେ

            ରଖିଛନ୍ତି ସେ ସୁନାମ l

ଶ୍ରୀଯୁକ୍ତ "ମିନିଟ କଣ୍ଟା'

            ଅନ୍ୟ ସାରଙ୍କର ନାମ,

ଲମ୍ବୁ ମାଷ୍ଟ୍ରେ ବୋଲି ଡାକନ୍ତି 

           ଧରି ତାଙ୍କ ଉପନାମ l

ଶ୍ରୀମତୀ ସେକେଣ୍ଡ କଣ୍ଟା ଯେ

          ଶିକ୍ଷୟିତ୍ରୀଙ୍କର ନାମ,

ସବୁବେଳେ ସବୁ କାମରେ

         ତରତର ତାଙ୍କ କାମ l

ସେହି ବିଦ୍ୟାଳୟର ମୋଟ

           ପିଲା ସଂଖ୍ୟା ବାର ଜଣ,

ମନଲୋଭl ତା କାରୁକାର୍ଯ୍ୟ

           ଦିଶଇ  ଚିତାକର୍ଷଣ ।

ବିଦ୍ୟାଳୟର ଚାରିପଟେ

            ରହିଛି  ଉଦ୍ୟାନମାନ,

ପାଞ୍ଚଟି ବଗିଚାର ପିଲେ

            ନିଅନ୍ତି କରି ଯତନ l

ବାର ଜଣ ପିଲାଙ୍କର ହେଲା

            ଷାଠିଏ ଗୋଟି ବଗିଚା,

ସୁନ୍ଦର ଦିଶଇ ଦୂରକୁ

            ଏହାର ଘାସ ଗାଲିଚା l

ହେଡ଼ ସାର ପାଠ ପଢ଼ାନ୍ତି

             ଠିକ କଥା ସଦା କୁହ,

ମିଛ ଠାରୁ ଯେ ତୁମ୍ଭେମାନେ

            ସର୍ବଦା ଦୂରେଇ ରୁହ l

ସତ କହିବାକୁ କଦାପି

             ପଛଘୁଞ୍ଚା ଦେବ ନାହିଁ,

ଅପେକ୍ଷା ନକରି କାହାକୁ

            ଯାଅ ତତପର ହୋଇ l

ନିଜ କର୍ମ କ୍ଷେତ୍ରରେ ସଦା

            ଜାଗ୍ରତ ତୁମେ ହୋଇବ,

ସମୟାନୁ ବର୍ତ୍ତିତା ହେଲେ

            ଗାନ୍ଧୀ ପରି ଦିନେ ହେବ l

ଲାମ୍ବୁ ସାର ଶିକ୍ଷା ଦିଅନ୍ତି

            ଶୁଣରେ ପିଲେ ମୋ କଥା,

ମିଛ କଥା କହି କା ମନେ

            ଦେବ ନାହିଁ କେବେ ବ୍ୟଥା l

ଧୀରେ ଧୀରେ ସଭିଏଁ କର

            ସତ୍ୟର   ଅନୁସନ୍ଧାନ,

ତେବେ ଯାଇ ହେବରେ ଜଣେ

            ଜ୍ଞାନୀ ଆଉ ଗୁଣଵାନ l

ସ୍କୁଲରେ ଯିଏ ହେଉଅଛି

            ପାଠୁଆ ଆଉ ପ୍ରଥମ,

ଖସାଇବାକୁ ତାକୁ ତୁମେ

            କର ସର୍ବଦା ଉଦ୍ୟମ l

ଧୀର ପାଣି ପଥର କାଟେ

            ଧୀର କଥା କି ମଧୁର,

ଧୀର କଥା କହି ସବୁରି

            ମନକୁ କର ଅଧିକାର l

ଗୁରୁମା ଶିଖାଇ ଥାଆନ୍ତି

            ସଦା ଠିକ କାମ କର,

ମୂଲିଆ ବା ମାଲିକ ହେଉ

            ହୁଅ ସଦା ଆଗଭର l

ଅଳସୁଆ ହୋଇବ ନାହିଁ

             ପିଲାମାନେ କେବେହେଲେ,

ସର୍ବ ସମ୍ପଦ କ୍ଷୟ ଯିବ

             କୌଣସି କାମ ନ କଲେ l

କର୍ମ ଚlଞ୍ଚଲ୍ୟ ହେବା ପାଇଁ

              ଜାଗ୍ରତ ସଦା ହେବ,

ତେବେ ଯାଇ ଏ ସଂସାରକୁ

             ବିଜୟ କରି ପାରିବ l

ଈଶ୍ୱରଙ୍କୁ ପ୍ରାର୍ଥନା କରେ

             ସୁମଣିଷ  ସବୁ ହୁଅ,

ପରୋପକାରୀ ତୁମେ ସାଜି

            ଦେଶ ପାଇଁ ପ୍ରାଣ ଦିଅ l