ଆକାର ପାଇଛି ଦେଖ ନିରାକାରରେ

ଆଖି ଯେବେ ଲାଖି ଯାଏ ଚକାଆଖିରେ

ପାପ ସବୁ ବହିଯାଏ ଲୋତକ ଧାରେ ......।

ଜଣା ଅଜଣାରେ ଯାହା ପାପ ସବୁରେ 

ପଶ୍ଚାତାପ ଭରି ଦିଏ ମନ ମଧ୍ୟରେ

ଚକାଆଖି ତାହାର

ଅଟେ କି ଯାଦୁକର

ଭୁଲାଇ ଦିଏ ସେ ଦୁଃଖ ମୂହୁର୍ତ୍ତକରେ... ।।

କୋଟି ପୁଣ୍ୟ ଫଳ ମିଳେ ଦରଶନରେ

କୋଟିରେ ଗୋଟିଏ ଦିଅଁ ନୀଳାଚଳରେ

ଚାରିଧାମ ମଧ୍ୟରେ

ସର୍ବଶ୍ରେଷ୍ଠ ଏହିରେ

ମନସ୍କାମ ପୁରା ହୁଏ ଏହି ତୀର୍ଥରେ.... ।।

ବ୍ରହ୍ମ ବଚନ ତ ଏହି ମିଥ୍ୟା ନୋହିରେ

ଦର୍ଶନରେ ମୋକ୍ଷ ପୁନର୍ଜନ୍ମ ନାହିଁରେ

ଧନ୍ୟ ଇନ୍ଦରଦ୍ୟୁମ୍ନ

ରୂପ ଦେଇଛ ବ୍ରହ୍ମ

ଆକାର ପାଇଛି ଦେଖ ନିରାକାରରେ ।।