ଆଜି କାହିଁ ତୁମ କଥା ଭାରି ମନେପଡ଼େ

ଆଜି କାହିଁ ତୁମ କଥା ଭାରି ମନେ ପଡ଼େ 

      ବସନ୍ତ ଆସିଛି ଆଜି ଫୁଲରେ ଫଳରେ 

      ହସେ ଆଜି ଗାଁ ତୋଟା ଆମ୍ବ ବଉଳରେ

      ଚାରି ଆଡେ ରଙ୍ଗର ରଙ୍ଗୀନ ପସରା 

      ମନ ଆଜି ତୁମେ ଖୋଜେ ଲୋକ ଗହଳିରେ ।(୧)

       ତୁମେ କେବେ ମନେ ପଡ଼ ଏକେଲା ବେଳରେ

       କେବେ ଫୁଣି ମନ୍ଦିରର ସଂଜ ଆଳତିରେ 

       ଆଉ କେବେ ନଈକୂଳ ଜହ୍ନ ଜୋଛନାରେ 

       କେବେ ଫୁଣି ନିଛାଟିଆ ବରଷା ରାତିରେ ।(୨)

        

       ତୁମେ ମନ ଖୋଜୁଥାଏ ସୁଖରେ ଦୁଃଖରେ

       କହିବାକୁ କିଛି କଥା ଜୀବନ ବାଟରେ

       ଜାଣେନା କାହିଁକି ତୁମେ ଏତେ ମନ ପଡ଼

       ଅଜଣା ଅବୁଝା ଏଇ ଜୀବନ ବାଟରେ ।(୩)