ଆବେଗ

ଦର୍ପଣ ନିଜ ମନ ସାଜେ

କେହି ଆଉ ହୁଏନା

ମିଛ ଦୁନିଆରେ ସ୍ୱାର୍ଥ ରଖି

ନିଜର କେହି କୁହେନା ।

ଚ୍ଛଳନା ମିଳେ ସମ୍ପର୍କ ରେ

କୋହ ଉଠେ ହୃଦୟେ

ଲିଭି ଯାଏ ଦୀପ ବିଶ୍ୱାସର

ଦୁଃଖ ମିଳେ ସମୟେ, ।

ଆଜି ଅଛି କାଲି ନାହିଁ

ଅଭିମାନ କାହାରି

କ୍ଷଣ କୋପେ ସବୁ ତୁଟେ

ପରିଚୟ ମୋହରି ।

କେଉଁ ସ୍ୱାଭିମାନେ କୁହେ ମନ 

ଜୀବନ କୁ ବଞ୍ଚିବି?

ମୋହ ଯେବେ ତୁଟି ଯାଏ

ସମ୍ପର୍କ କାହିଁ ସଞ୍ଚିବି? ।

ଉଠ ବୀର ନ ଶୋଇ ଆଉ

ତ୍ୟାଗ ତୁମେ ବ୍ୟଥତା

ମିଛେ କାନ୍ଦ କାହିଁ ପାଇଁ

ପଣ କର ଶୀଘ୍ରତା ।

ନିଜକୁ ସମ୍ଭାଳି ତୁମେ 

ଦିଅ କର୍ତ୍ତବ୍ୟ ର ଉତ୍ତର

ସେବା କରି ମନ ଜିଣ

କେହି ନୁହେଁ କାହାର ।