साटंलोटं भावुक आयुष्याचं...

आठवणींच्या कुपीला हळुवार हेरलं

स्वप्नांच्या रात्रींना अलगद प्रेमाने गोंजारलं

रोमांचकारी पात्रांतून मन वेडं मोत्यांत गुंफलं

मनमोहक नात्यांना काहीसं अलगद बिलगलं

शिंपल्यापरी अनेकविध शोधली मनं

ग्रहण जीवाला लागलं नकळत दुराव्याचं

डोळ्यातलं कोरडं पाणी सागरातुनी ओघळलं

मन वळवत पुन्हा पुन्हा नव्याने भरवलं 

शुभाशुभ घोराचं जाळं हिंमतीनं विणलं

उन्हं-पावसासारखं नाटकी बंधन अतूट जपलं

भेटींचं अनमोल भांडार हर्षाने साठवलं

आव्हानांचं डगमगतं धनुष्य सहज पेललं 

न्याहाळली हौशीनं हृदयातली स्पंदनं 

गुढ भुलवणारं साठवलं दाटीवाटीनं

अलिप्त मनाला सोईनुसार स्वतःच चोरलं

जगणं ठश्यात उमटवलं स्वभावाचं लेणं देणं 

प्रेमवेडं मन बहुढंगी घालमेलीच्या डोहात पानावलं

गणित मांडतं झालं सुंदर हर एक दिवसाचं

तप कडू गोड बोचऱ्या गजबजलेल्या गल्ल्यांचं

नव्यानं सजवेल रूप मोहक भावुक आयुष्याचं