लाइब्रेरी
प्रोफाइल
इंद्रधनुष्याचं आयुष्यविश्व.....
इंद्रधनुष्याचं आयुष्यविश्व.....
2 mins
606
कधी कधी सहज गवसतं
थोडावेळ मनाला सुखावतं
हुरहूर जीवाला नि नाहीसं होतं
आकाशाला जणू पारदर्शक टोपी
कल्पनांचा वेडा महामेरू
लगबगीने राही उभा
नजरेतला नाही धोका
हा तर समुद्र रंगांचा
बहुरंगी सात रंगांचं स्वतःचं
तानापिहिनिपाजा प्रकाशगाणं
आकर्षक स्वर्गमय विश्व
ज्याचा राजा इंद्रधनुष्य
पहिल्या पावसातलं इंद्रधनुष्य
जीवनाचं परिपूर्ण कोलाज
भास असा मोरपिसारा जणू
कधी रंगीत रेलगाडी जणू
आकाशावर झोका रंगेबेरंगी
रंगांचा खेळ घाले माळा अंगी
मोहक रूप जणू हसवणारं
स्वतःत चक्क हरवणारं
लहानथोर अशा सर्वांना
कुतूहलानं भारावून टाकणारं
सौंदर्य नकळत लाजवणारं
पाऊसवेड्यांना प्रेम देणारं
आठवणींची रेखीव नक्षी
उभी डोळ्यासमोर अनोखी
पण प्रेमाचा गुलाबी रंग
सात रंगात जणू गायब
कधी अश्रूंचं चमकणं
मनाला दुःखी करणं
मात्र ओसरल्यावर तयाला
दिसतो चकाकता इंद्रधनुष्य
