अखेर होणार...अटळच असतं !

शेवटाचा शेवट निश्चित असतो

फक्त प्रयत्न प्रामाणिक करायचा असतो

न चुकता तोच तो स्पष्ट-अस्पष्ट मार्ग 

पुन्हा पुन्हा धैर्याने अवलंबवायचा असतो

नव्यासोबत कधी जूनही जपायचं असतं

शेवटाचा शेवट सुखात हवा असतो

म्हणून न विसरता दुःख गिळायचं असतं

अखेर मुळीच टाळायची नसते

तर तिला हसून विदा करायचं असतं

भावनांच्या वादळाला स्वच्छंदी राहून 

हिरीरीने प्रेमाने आलिंगन द्यायचं असतं