उत्सव रंगाचा दुर्गा देशमुख

उत्सव प्रेमाच्या रंगाचा 

उधळा मनातल्या प्रेमाचा रंग 

एकमेकात मिसळुन जाऊ 

होऊ एकाच रंगात दंग 

तुझ्या निस्वार्थी प्रेमाचा 

एक रंग लावते गालावर 

तु दिलेला प्रेमाचा रंग 

खुलुन दिसती माझ्या भाळावर 

एक रंग तुझ्या शांत स्वभावाचा 

सहन करतो माझा वसंत 

रखरखत्या उन्हातली सावली तु

 नाही मनाला कशाची खंत 

एक रंग तुझ्या गोड हास्याचा 

खुलवी ओठावरची लाली 

सुगंध उधळीत आला मारवा 

रंग उमटला माझ्या गाली 

एक रंग तुझ्या सहनशीलतेचा 

नेहमीच करतो मला प्रभावित 

शिकवुन जातो तुझ्या मनातले 

गावे म्हणतो प्रेमाचे गीत 

तुझ्या सहवासाच्या रंगात 

माझे नेहमीच भिजावे अंग 

रंगात रंग मिसळुन तो 

घेऊ राधाकृष्णाचा रंग