గ్రంథాలయం
ప్రొఫైల్
तुझ्या सवे
तुझ्या सवे
1 min
611
रात्रीच्या त्या नीरव शांततेत
रातकिड्यांच्या किरकिरीत
चमचमणाऱ्या चांदण्यांना पांघरूण
तुझ्यासवे ही रात्र अशीच निघून जावी...
Street-lamp च्या त्या मंद प्रकाशात
निशीच्या त्या दरवळणाऱ्या गंधात
हाती तुझा हात घेऊन
तुझ्यासवे ही रात्र अशीच निघून जावी...
पौर्णिमेच्या शुभ्र प्रकाशात
अमावस्येच्या गर्द अंधारात
दरम्यान बदलणाऱ्या चंद्रकोरीला बघत
तुझ्यासवे ही रात्र अशीच निघून जावी...
कोसळणाऱ्या रात्रीच्या बेभान पावसात
बोचणाऱ्या त्या गुलाबी थंडीत
ओठांनी ओठांना बिलगून
तुझ्या 'कवेत' ही रात्र अशीच निघून जावी...
