तुझ्या सौंदर्याच रहस्य

काय असेल 

तुझ्या सौंदर्याच रहस्य

हे तुलाच माहित

पण तुला बघण्यासाठी

सोनेरी पहाट 

तुझी वाट बघत असते 

तुझं नटण मुरडणं पाहून

कळ्याही लाडावतात

तुझ्या कवेत येण्यासाठी

हळव्या होतात

तुला पाहील्याशिवाय 

त्या उमलत नाही

तुझ्या स्पर्शा झाल्याशिवाय 

त्या फुलत नाही

गजराही तुझ्या आठवणीत असतो

इथेतिथे शोधत असतो

त्याला तुझ्या वेणीवर यायच असतं

 तुझ्या सोनेरी केसांवर फुलायचं असतं

 वाऱ्याची झुळुक

तुला छेडत असते

तू आणखीनच 

सुदंर दिसते

तुझं ते नाजूक हसणं

आणि गालावर लाजणारी

तुझी हळवी खळी

सारकाही नजरेला खूणवतं असते

जणूकाही 

सप्तरंगाची उधळण होत असते

तुला पाहून मोरही

नाचायला लागतो

तुला पाहिल्यावर

पिसारा फुलवतो 

अंधारातही तू शोभून

दिसते

तू नजरेआड होवू नये

असे आरशालाही वाटते

काळोखातल्या चांदण्याही

तुझी वाट पहात असतात

तू एकदा दिसावीस म्हणून

काजवेही तुला शोधत असतात

सारा आसमंत तुझ्यासाठी

वेडा होताना दिसतो

तुझ्या सौदर्याच रहस्य

शोधत असतो.