तुझा आधार असता तर

कशाला हारलो असतो तुझा आधार असता तर 

लढाई जिंकलो असतो तुझा आधार असता तर 

घराला तार काटेरी कशाला लावले असते 

फुलांशी खेळलो असतो तुझा आधार असता तर 

तुला मी सावली मोठी कधी मागीतली नाही 

उन्हाने पोळलो असतो तुझा आधार असता तर 

स्वत:ला शांत करतो मी कुणी अपमान केल्यावर 

जगाशी भांडलो असतो तुझा आधार असता तर 

अपेक्षा अमृताची मी सखी केली कधी नव्हती

विषाला प्यायलो असतो तुझा आधार असता तर