Library
Profile
तुह्या हातची भाकरं
तुह्या हातची भाकरं
1 min
179
तुह्या हातच्या भाकरीला
माये चव अमृताची,
माह्या वरल्या मायेला
गोडी खडीसाखरेची...
येता शहराले माये
मना लागली हुरहुर
तुह्या हातची भाकरं
खाया मन होई आतुर...
शहरामंधी मिळं बघाया
पाच तारांची हाटेलं,
पैका दिवुन बी हितं
प्वाट ऱ्हातया भुकेलं...
जवा जवा घडे शहराले
मले रोजचा उपास,
काळजा ठेवुन कातरं आठवतो
माये तुह्या हातची भाकरं...
