गाथा माय मराठीची...

गाथा माय मराठीची 

त्या मराठी शाहिरांची

पहाडी आवाजाची अन

धगधगत्या इतिहासाची 

मराठी भाषा नव्हे फक्त

आहे आपुला तो स्वाभिमान

छाती ठोक गाऊया सारे

मराठीचे गौरव गान

इंग्रजी म्हणे दुध वाघीणीचं

आपणच केलं पाहीजे गड्यांनो

कौतुक माय मराठीचं,

भले लेकराला आपल्या

प्रगतीसाठी इंग्रजी शिकवा

सोबतीनं बाळांनो मराठीला टिकवा

धरु नव्याने कास मराठीची

एक तरी ओवी गिरवु ज्ञानेशाची

मनाचे श्लोक पठन करु

आपली मराठी भाषा लेकरांनो

आपणच जतन करु,

डंका मराठीचा जगभरी वाजवू

सातासमुद्रापार मराठी ध्वज लावू...