ती प्रेमळ प्रेयसी

ती दिलखुलास हसली 

म्हणजे सदाफुलीच फुलते 

ती मनमोकळं भांडली

म्हणजे बिजलीच कडाडते 

तिच्या डौलदार चालीवर 

जीव ओवाळणी घालावी वाटते 

काळया लांबसडक केसात 

गुरफटून जीव गेला तरीही बरेच 

तिचा नाजूक कोमल हात 

हातात घेता स्वर्ग समिप वाटे 

क्षणभर तिच्यापासून दुरावा 

जणू हृदयी टोचले काटे 

लालचुटूक त्या ओठांवर 

ती खडीसाखरेचे पीक घेते 

हळूच लावूनि डावा डोळा 

माझ्या काळजाचा नेम साधते

तिच्या प्रेमाची ही जादूगिरी 

मी तहान भुक हरवून बसलो

तिने दिले स्मितहास्य असे 

मी डोळ्यातले पाणी लपवून हसलो