ओढ पावसाची
ओढ पावसाची
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
37
ओढ पावसाची लागे
जेव्हा धरणीच्या मनी
गुंज पक्षाचे गुंजती
गाती मिलनाची गाणी
धरा व्याकुळली फार
वरूणाच्या भेटीसाठी
वाटे औंदा श्रावणात
त्याच्या व्हाव्या भेटीगाठी
रानातल्या बाभळीची
पित फुले कोमेजली
आला आषाढाचा घन
चिंब धरा ती भिजली
मातीसह त्या साऱ्यांना
लागे ओढ पावसाची
बरसून रे मेघांंनो
तृष्णा क्षमवा तयांची