समर्पण

धुंदीत स्पर्श स्पर्शात धुंदी

लाजून लाज आज बंदी

प्रतिसाद अजाण अधीर सुखे

काट्यांचे फुलले गुलाब नवखे

हव्यास हळवा समर्पणाचा

आधार हवा म्हणे दर्पणाचा

अतृप्त तृप्ती संस्कार भीती

पूजनासाठी वळल्या वाती

वातींचा नको लावू दिवा

अंधारच मला माझा हवा

चाले वातींना जपुनी झुरणे

नको म्हणते जळुनी संपणे

नको चेतवू नको पेटवू

आग लावुनी नकोस शमवू

भंगलेली अशी ही प्रतिमा

गाभारा परी नाही रिकामा

मृगजळ सरता हे सख्या

होशील भक्ताला पारखा