सारंच एकसारखं नसतं..

सारं आकाश हे एकसारखं,

तसे सारे हे नभही;

सारे मान्सूनी वारे एकसारखे,

तसे सारे इतर ऋतूही;

सारी वृक्षवेली ही एकसारखी,

तशी सारी राने, वनेही;

सारे दगडगोठे एकसारखे,

तशा साऱ्या ह्या पर्वतरांगाही;

सारे पाणी गोडे एकसारखे,

तसा खारा हा समंदरही;

सारे पशूपक्षी एकसारखे,

तसा सारा हा पसाराही;

सारं एकसारखं, सुरळीत वाटताना

तरी थोडीशी कुठंतरी घुसमटही..

सारं एकसारखं असावं, वाटावं

तशी सारी मानवजात एक नाही..