रंग उधळू या आनंदाचे

मिटवू या मना-मनातील अंतर

स्वागत करू या रंगांचे

सण आला होळीचा

रंग उधळू या आनंदाचे

केशरी फुलांनी पळस नटला

दारी तोरण पानांचे

आकर्षक रांगोळी सजली

वाढवी सौंदर्य अंगणाचे

पुरणपोळीचा स्वाद जिभेवर

तुपाचा मोहक सुगंध

रंग गुलाबी, पिवळा, निळा

मनास करी बेधुंद

जाळुनी राग, द्वेष, मत्सर

दहन करू होलिकाचे

घेऊनिया हात हाती

रंग उधळू या आनंदाचे

माणुसकीच्या रंगामध्ये

सारे आज रंगू या

रंगुनी प्रेमाच्या रंगात

स्वप्न उद्याचे पाहू या