प्रीत*****

तू धरता ह्रदयी सखया

सुहास्य ओठी उमटले

डाळींबा सव गाल हे 

आरक्त गुलाबी झाले.......

श्वासात श्वास मिसळे

तव चुंबन उमटे भाळी

हृदयात चमकुनी बिजली 

पडे मना प्रितीची जाळी.....

नको सारू क्षणात दुर 

तुझ्या मिठीत चंदनी फाया 

करता दूर असा तू 

जळी अंग अंग ही काया.....

जोडिता हृदयाशी हृदय 

तव स्पर्श मनी हा कळला 

मोहरुन अशी मी गेले

जणू तनी गुलाब फुलला..... 

आठवण गोड भेटीची 

पुसली कधी न जावी 

मूर्ती अशीच माझी 

हृदयी तुझ्या वसावी...... 

हृदयी तुझ्या वसावी.......