प्रेम म्हणजे प्रेम असतं...

खरं प्रेम कधीच कोणाला कळत नसतं 

कारण खरं प्रेम हे अबोल असतं 

कधी ते हळुवार डोळ्यांनी केलं जातं 

तर कधी तरी नकळत होऊन जातं 

अपेक्षा आणि स्वार्थ ठेऊन केलेल कधी प्रेम नसतं 

निरपेक्ष आणि निखळ मनांन केलेलं प्रेम खर असतं

 

त्यात कधी पैसा किंवा श्रीमंतीला महत्व नसतं 

कुठल्या हि हिऱ्यापेक्षा मौल्यवान अस नातं असतं 

ते हळुवार सहवासाने होत आणि प्रेमाचा गोड स्पर्शाने फुलतं 

कधी ते डोळ्यातून व्यक्त होत तर कधी काळजीतून कळतं 

कधी ते मोहक स्पर्शून काळात तर कधी रुसव्या फुगव्यातून जाणवतं 

कधी ते व्यक्त करताना शब्द कमी पडतात तर कधी निशब्द व्यक्त होतं 

खूप सुंदर आनंदी निर्मळ आणि खूप पवित्र अस ते नातं असतं 

कोणाला सांगून पण कळणार नाही ते फक्त अनुभवावं लागतं