पडेल पाऊस

पडेल आता पाऊस

वाट नको तू पाहुस ।

नागर वखर हाक जरा

मागे तू नको राहूस ।

पाऊस पडेल यंदा

घाबरून नको जाऊस ।

भरभरून होईल पीक

पूर्ण तुझी होईल हौस ।

पैसा येईल हाती

बजेट नको लाऊस ।

खर्च करूनही उरेल

टेन्शन नको घेऊस ।

महागाई ही जन्माची

सावकार नको पाहुस ।

कर्जाचा बोजा वाईट

फ़ंद्या कडे नको धाऊस ।

वळून थोडे बघशील जरा

रडगाणे तू नको गाऊस ।

बायको मुलांना हसव जरा

सोडून सारे नको जाऊस ।

तुझ्यासारखी हिम्मत कुणात

इकडे तिकडे तू नको धाऊस ।

नशिबाचा खेळ जरी हा

यंदा नक्कीच येईल पाऊस ।