पाण्याची लंका

उन्हाळ्यात आग ओकणाऱ्या

सूर्याकडे पाहून तो बायकोला

लाडाने म्हणाला 

चल आता सुट्टी मध्ये लांब

येऊ फिरून 

पोरांना पाठवू मामाकडे दोघे देवदर्शन 

येऊ करून 

आज पर्यंत तुझ्या आवडी निवडी

वर चिटकलेला 

मी काढून घेतो टेप 

झाकोळलेल्या तुझ्या सौंदर्यावर

मार सुगंधी स्प्रे 

आणि पावडरचा लेप 

स्त्री स्वातंत्र व स्त्री सन्मानाची

आपल्या घरातूनच करु सुरुवात

स्त्रीमुक्तीची समाजा समोर उंच

मारू आता झेप

तेव्हा 

चेहऱ्यावर पडलेल्या सुरकत्या

पेक्षा तहानेने कोरड्या पडलेल्या

सासू सासऱ्याच्या ओठांकडे

पाहतांना डोळ्यांच्या कपारीत

आसवे लपवून बायको म्हणाली

त्यापेक्षा 

विहिरीच्या गर्भात उतरून 

हंडाभर पाण्याची दोघे एखादी मारू

आता खेप

जेव्हा

बाईच्या डोक्यावरील उतरेल हंडा

घरादारात येईल पाण्याची लंका

तेव्हाच

स्त्री मुक्तीचा मारता येईल डंका