ओवी... लेखणी माझी

लेखणी तू देखणी गे

सोज्वळ दिसे रुपडे 

ठाव घेई मनाचा गे 

प्रसव ऐसी अक्षरे ||धृ||

सासर माहेर गोविले 

ऋणानुबंध जोडीले 

अभंग नाते गाईले 

प्रसव ऐसी अक्षरे||१||

नाते प्रेम समजण्या

जात धर्म मोडण्या

दोन हात अन्याया

प्रसव ऐसी अक्षरे||२||

गुंडागर्दी माजली 

सभ्यता कुस्करली 

शहाणपण दाखवी

 प्रसव ऐसी अक्षरे ||३||

भास आणि आभास 

वास्तव फक्त सहवास 

अंतर दावी मम खास 

प्रसव ऐसी अक्षरे ||४||

भूमिपुत्र राबतो

 जवान धरणी रक्षितो

 जाण तयाची राखितो 

प्रसव ऐसी अक्षरे||५||