नातं तुझं माझं

मला माहीत आहे

सूर्य तुझ्यावर जरा जास्तच रागावला

तुझ्या नकाराने तो जरा जास्तच तापला

नातं तुझ माझं

त्या सूर्याला कळालं असतं तर

नाद त्याने तुझा कधीच केला नसता

अमावास्येसोबत सुखात राहीला असता

पण.....

तुला माझ्यासोबत बघुनच

तो जास्त क्रोधीत होतो

तुझं माझ प्रेम पाहून उदास होतो

चल जाऊ दे

मी तुझ्यासाठी फुलांचा सडा टाकलाय

आणि केलाय लाजाळूच्या वेलींचा शामीयाना

जा तू या चंद्राची मधू होवून

निवांत बैस त्या कळ्यांच्या गालीच्यावर

पांघरून घे पारिजातकांच्या फुलांची शाल

आणि हो

तुझ्यासाठी त्या मिणमिणत्या काजव्यांचा गजराही आणलाय

खर सांगू का

चांदण्याशिवाय काळोख नसतो

पौर्णिमाशिवाय चंद्र ऊजळत नसतो

म्हणूनच मी तुझ्यावर खूप प्रेम करतो