मनाचा आतला कप्पा
मनाचा आतला कप्पा
मनाचा आतला कप्पा खुला करणार आता
आता जिव्हारी वेदनांचाही करू सत्कार आता
हरवली शांतता माझी कशी शोधून आणू
कसा मौनात भरतो रोजचा बाजार आता
जरी केला विनाकारण तुम्ही अपमान माझा
जगाला माफ केले मी नसे तक्रार आता
कुठे आहे इथे वेड्या भरवसा जीवनाचा
सुगंधी फूल होते काल झाले हार आता
खुली चर्चा करू दे आज माझ्याशी सखीला
तुफाने वादळे मोठी जरी येणार आता