लाॅकडाऊन

बारा वर्षानी ठेवला लेका घरी पाय

दुध नव्हतं अन् दुधावरची साय

प्रश्न पहाता नजरे वरी

थबकले बाप नि माय

   दिलं,एका खोलीत बसवुन

   घेतला दरवाजा लाऊन

   आता तुम्ही 'क्वारंटाईन'

   मोठ्याने ओरडली सुन

झाले आतामहीने चार

तरी ही ऊघडेना दार

विषाणु हा मनातला

केलं कोरोनाचा अवजार

  आली कोरोनाची महामारी

  नियम पाळीता होईल ती दुर

  जरा विचाराने पहा 'सॅनेटाईज'         

  होऊन

  नात्याना करू नका हो            

  'लॉकडाऊन'